Raaga Ninnadu Bhava Nannadu Song Lyrics

Raaga Ninnadu Bhava Nannadu Song Lyrics

ಚಿತ್ರ: ಕುಲಗೌರವ (1971)
ಸಾಹಿತ್ಯ: ಆರ್.ಎನ್.ಜಯಗೋಪಾಲ್
ಸಂಗೀತ: ಟಿ.ಜಿ.ಲಿಂಗಪ್ಪ
ಹಾಡಿದವರು: ಪಿ.ಸುಶೀಲಾ

ರಾಗ ನಿನ್ನದು ಭಾವ ನನ್ನದು
ರಾಗ ನಿನ್ನದು ಭಾವ ನನ್ನದು
ತಾಳ ನಿನ್ನದು ನಾಟ್ಯ ನನ್ನದು
ತಾಳ ನಿನ್ನದು ನಾಟ್ಯ ನನ್ನದು
ರಾಗ ನಿನ್ನದು ಭಾವ ನನ್ನದು

ಮನವೆ ಯಮುನ ಮನೆಯೆ ಗೋಕುಲ
ಮನವೆ ಯಮುನ ಮನೆಯೆ ಗೋಕುಲ
ನಾನೇ ಮುರಳೀ ನೀನೇ ಗೋಪಾಲ
ನಾನೇ ಮುರಳೀ ನೀನೇ ಗೋಪಾಲ
ನೂತನ ಸಂಭ್ರಮ ನಮ್ಮಯ ಸಂಗಮ
ಹೃದಯ ವೀಣೆ ಮಿಡಿಯೆ ಗಾನ ಹಾಡಿ ನಲಿವ ಅಮರಗಾನ

ರಾಗ ನಿನ್ನದು ಭಾವ ನನ್ನದು

ಬಾಳಿನ ಗುಡಿಯಲಿ ದೀಪವ ಬೆಳಗಿದೆ
ಬಾಳಿನ ಗುಡಿಯಲಿ ದೀಪವ ಬೆಳಗಿದೆ
ಜೀವನ ನೌಕೆಗೆ ಅಂಬಿಗ ನೀನಾದೆ
ಜೀವನ ನೌಕೆಗೆ ಅಂಬಿಗ ನೀನಾದೆ
ನಿನ್ನಯ ಹೂನಗೆ ಬಾಡದ ಮಲ್ಲಿಗೆ
ಇಂಥ ಪ್ರೇಮ ಇಂಥ ಪ್ರೀತಿ ಎಂದು ಇರಲಿ ಒಂದೆ ರೀತಿ

ರಾಗ ನಿನ್ನದು ಭಾವ ನನ್ನದು
ತಾಳ ನಿನ್ನದು ನಾಟ್ಯ ನನ್ನದು
ರಾಗ ನಿನ್ನದು ಭಾವ ನನ್ನದು

Haadona Olavina Raaga Song Lyrics

ಚಿತ್ರ: ಮಲ್ಲಮ್ಮನ ಪವಾಡ (೧೯೬೯/1969)
ಸಾಹಿತ್ಯ: ಕಣಗಾಲ್ ಪ್ರಭಾಕರ ಶಾಸ್ತ್ರಿ
ಸಂಗೀತ: ವಿಜಯ ಭಾಸ್ಕರ್
ಹಾಡಿದವರು: ಪಿ.ಬಿ.ಶ್ರೀನಿವಾಸ್, ಪಿ.ಸುಶೀಲಾ

ಹಾಡೋಣ ಒಲವಿನ ರಾಗ ಮಾಲೆ
ಆಡೋಣ ಒಲವಿನ ರಾಸ ಲೀಲೆ
ಹಾಡೋಣ ಒಲವಿನ ರಾಗ ಮಾಲೆ
ಆಡೋಣ ಒಲವಿನ ರಾಸ ಲೀಲೆ
ಹಾಡೋಣ ಒಲವಿನ ರಾಗ ಮಾಲೆ

ಈ ಧರೆಯ ಆ ಗಿರಿಯ ಬೆಳ್ಮುಗಿಲ ಮೇಲೆ
ಹೂ ಬಳ್ಳಿ ಹೂ ಗಾಳಿ ನದಿ ಅಲೆಯ ಮೇಲೆ
ಈ ಧರೆಯ ಆ ಗಿರಿಯ ಬೆಳ್ಮುಗಿಲ ಮೇಲೆ
ಹೂ ಬಳ್ಳಿ ಹೂ ಗಾಳಿ ನದಿ ಅಲೆಯ ಮೇಲೆ
ಮೈಮರೆಸೊ ಒಲವಿನ ನಾದ ಲೀಲೆ
ಮೈಮರೆಸೊ ಒಲವಿನ ನಾದ ಲೀಲೆ
ಒಲವೇ.. ಬಾಡದ ಸಂಬಂಧ ಮಾಲೆ

ಹಾಡೋಣ ಒಲವಿನ ರಾಗ ಮಾಲೆ
ಆಡೋಣ ಒಲವಿನ ರಾಸ ಲೀಲೆ
ಹಾಡೋಣ ಒಲವಿನ ರಾಗ ಮಾಲೆ

ಮನದನ್ನೆಯ ಮನವೊಲಿಸುವ ಮಧುಮಂಚದ ಮೇಲೆ
ಮಧುರಾಧರ ಮಧುಮೈತ್ರಿಯ ಮುಂದಾಗೋ ವೇಳೆ
ಮನದನ್ನೆಯ ಮನವೊಲಿಸುವ ಮಧುಮಂಚದ ಮೇಲೆ
ಮಧುರಾಧರ ಮಧುಮೈತ್ರಿಯ ಮುಂದಾಗೋ ವೇಳೆ
ಮರೆಯದ ಒಲವಿನ ರಸಿಕ ಲೀಲೆ
ಮರೆಯದ ಒಲವಿನ ರಸಿಕ ಲೀಲೆ
ಒಲವೇ.. ಬಾಡದ ಸಂಬಂಧ ಮಾಲೆ

ಹಾಡೋಣ ಒಲವಿನ ರಾಗ ಮಾಲೆ
ಆಡೋಣ ಒಲವಿನ ರಾಸ ಲೀಲೆ
ಹಾಡೋಣ ಒಲವಿನ ರಾಗ ಮಾಲೆ

Andavo Andavu Kannada Naadu Song Lyrics

Andavo Andavu Kannada Naadu Song Lyrics

ಮಲ್ಲಿಗೆ ಹೂವೇ (1992)
ಸಾಹಿತ್ಯ: ಹಂಸಲೇಖ
ಸಂಗೀತ: ಹಂಸಲೇಖ
ಹಾಡಿದವರು: ಕೆ.ಜೆ.ಯೇಸುದಾಸ್

ಅಂದವೋ ಅಂದವು ಕನ್ನಡ ನಾಡು
ನನ್ನ ಗೂಡು ಅಲ್ಲಿದೆ ನೋಡು
ಚಂದವೋ ಚಂದವು ನನ್ನಯ ಗೂಡು
ನನ್ನ ಹಾಡು ಅಲ್ಲಿದೆ ನೋಡು
ಕಾವೇರಿ ಹರಿವಳು, ನನ್ನ ಮನೆಯ ಅಂಗಳದಲ್ಲಿ
ಕಸ್ತೂರಿ ಮೆರೆವಳು, ನನ್ನ ಮಡದಿ ಮಲ್ಲಿಗೆಯಲ್ಲಿ

ಅಂದವೋ ಅಂದವು ಕನ್ನಡ ನಾಡು
ನನ್ನ ಗೂಡು ಅಲ್ಲಿದೆ ನೋಡು

ನನ್ನ ಮನೆಯ ಮುಂದೆ ಸಹ್ಯಾದ್ರಿ ಗಿರಿಯ ಹಿಂದೆ
ದಿನವು ನೂರು ಶಶಿಯು ಹುಟ್ಟಿ ಬಂದರೂ
ನನ್ನ ರತಿಯ ಮೊಗವ ಮರೆಮಾಚದಂತ ನಗುವ
ಅವನೆಂದು ತಾರಲಿಲ್ಲವೇ ಪ್ರಿಯೇ
ನನ್ನ ಕಣ್ಣ ಮುಂದೆ ಮರಗಿಡದ ಮಂದೆ ಮಂದೆ
ಕೋಟಿ ಪಕ್ಷಿ ಕೂಗು ಕೇಳಿ ಬಂದರೂ
ನನ್ನ ಚೆಲುವೆ ಹಾಡು ಅನುರಾಗದಿಂದ ನೋಡು
ಆ ರಾಗ ನೋಟ ಕಾಣದೇ ಪ್ರಿಯೇ
ಸಹ್ಯಾದ್ರಿ ಕಾಯ್ವಳು, ನನ್ನ ಮನೆಯ ಕರುಣೆಯಮೇಲೆ
ಆಗುಂಬೆ ನಗುವಳು, ನನ್ನ ಮಡದಿ ನೊಸಲಿನ ಮೇಲೆ

ಅಂದವೋ ಅಂದವು ಕನ್ನಡ ನಾಡು
ನನ್ನ ಗೂಡು ಅಲ್ಲಿದೆ ನೋಡು

ನಾಳೆಗಿಂತ ಇಂದೆ ಸಿಹಿಯಾದ ದಿವಸವಂತೆ
ಇಂದು ನಾಳೆ ಸಿಹಿಯ ಸ್ನೇಹವೆಂಬುದು
ಆಂತರಾಳವೆಂಬ ನೇತ್ರಾವತಿಯ ತುಂಬ
ಈ ಸ್ನೇಹ ಜಲದ ಸೆಲೆಯು ನಿಲ್ಲದೋ
ಉಸಿರು ಎಂಬ ಹಕ್ಕಿ ಇದೆ ಗೂಡಿನಲ್ಲಿ ಸಿಕ್ಕಿ
ಕುಹು ಕುಹು ಎಂದರೇನೆ ಜೀವನ
ಬೆಚ್ಚಗಿರುವ ಮನೆಯ ತನ್ನ ಇಚ್ಚೆಯರಿವ ಸತಿಯ
ಸವಿ ಪ್ರೇಮ ದೊರೆತ ಬಾಳು ಧನ್ಯವೋ
ಈ ನಾಡು ನುಡಿಯಿದು, ನನಗೆ ಎಂದೂ ಕೋಟಿ ರುಪಾಯಿ
ಈ ಬಾಳ ಗುಡಿಯಲಿ, ನಿಜದ ಮುಂದೆ ನಾನು ಸಿಪಾಯಿ

ಅಂದವೋ ಅಂದವು ಕನ್ನಡ ನಾಡು
ನನ್ನ ಗೂಡು ಅಲ್ಲಿದೆ ನೋಡು
ಚಂದವೋ ಚಂದವು ನನ್ನಯ ಗೂಡು
ನನ್ನ ಹಾಡು ಅಲ್ಲಿದೆ ನೋಡು
ಕಾವೇರಿ ಹರಿವಳು, ನನ್ನ ಮನೆಯ ಅಂಗಳದಲ್ಲಿ
ಕಸ್ತೂರಿ ಮೆರೆವಳು, ನನ್ನ ಮಡದಿ ಮಲ್ಲಿಗೆಯಲ್ಲಿ